much mIch

 

 

roD mIwvam pab QI':

Sa' ra'moH che'wI',

QaS ghommoH Sa',

mangghom chenmoH

'ej raQ cher.

'ach Hoch Qu'mey'e',

qaDna' 'oH QI' yol'e'.

 

qaD 'oH QI' yol'e'

napHa'wI' napnISmoHlu'mo'

'ej qay'wI' lI'nISmoHlu'mo'.

qaD 'oH QI' yol'e'

napHa'wI' napnISmoHlu'mo'

'ej qay'wI' lI'nISmoHlu'mo'.

 

jagh He DanapHa'moHchugh,

'ej Datlhu'moHmeH ghaHvaD potlh SuqmeH 'eb Da'angchugh

vaj DatlheDlaH tlheDpu'DI' jagh

'ej Dapaw'laH paw'pa' ghaH.

'e' ta'laHchugh vay'

napHa'wI' napwI' je to' yaj.

 

QI' yolmo' potlh Suqlu'.

QI' yolmo' Qob SIQlu'.

 

mangghom naQ DavangmoHchugh

'eb Dajon DaneHmo'

vaj chaq bIpawpa' narghpu' 'eb.

 

mangghom naQHa' DavangmoHchugh

'eb Dajon DaneHmo'

chaq jo luch je DachIl.

 

luch Dalonchugh 'ej DatlheDchugh

may'luch neH DaqentaHvIS

pem ram je bIjaHchugh

bImevbe'taHvIS,

wejmaH qelI'qam chuq DajaHchugh

cha'logh DolIj motlh DaghurtaHvIS

'eb Dajon DaneHmo'

chaq Hoch ra'wI'pu'lI' DachIl.

paw HoSwI'pu'

pawpa' pujwI'pu'

'ach paw negh wa'maH vatlhvI' neH.

 

wa'maH vagh qelI'qam chuq DajaHchugh

'IqtaHvIS DolIj

'eb Dajon DaneHmo'

vaj mangghom 'et ra'wI' DachIl

'ej paw negh bID neH.

wa'maH qelI'qam chuq DajaHchugh

'eb Dajon DaneHmo'

vaj paw negh javmaH jav vatlhvI' neH.

 

luch Hutlhchugh mangghom vaj luj.

Soj Hutlhchugh mangghom vaj luj.

jo Hutlhchugh mangghom vaj luj.

 

jIlpu'lI' nabmey DaSovbe'chugh

vaj DaboqlaHbe'.

puH ghor DaSovbe'chugh:

HuDmey, ngemmey je DaSovbe'chugh,

puH Qobmey DaSovbe'chugh,

yotlh yIQ yotlh SubHa' je DaSovbe'chugh,

vaj mangghom DaDuvmoHlaHbe'.

Sung DevwI'pu' Dalo'be'chugh

'ebmey'e' qaSmoHbogh yav DajonlaHbe'.

 

Qojlu'taHvIS

Daq luDanlu'meH tojlu',

potlh luSuqlu'meH vanglu',

Dotlh luchoHlu'meH QaS wavlu' 'ej tay'moHlu'.

 

meqvammo'

DuvDI' mangghom moD; SuS rur.

leghlu'DI' Doj; ngem rur.

weHDI' qu'; qul rur.

QamDI' Sub; HuD rur.

nuDlu'DI' HuvHa'; Qub rur.

mupDI' vaQ; jevbogh tIH rur.

 

Hatlh DaweHtaHvIS QaSlIj tIwav.

yerlIj DaSachmoHtaHvIS tevmey tIwav.

bIvangchoHpa' ghu' yIchov.

 

yay chav vay'

napHa'wI napwI' je to' Sovchugh.

QI' yol mIw'a' 'oH mIwvam'e'.

 

maq <<QI' ngochmey paq>>:

QoychuqlaHbe'DI' QaS

DIr 'Inmey, baS 'Inmey je tIlo'.

leghchuqlaHchu'be'DI' QaS

Deghmey joqwI'mey je tIlo'.

qaStaHvIS ram may' Sech law', 'In law' je tIlo'.

qaStaHvIS pem may' joqwI' law', Degh law' je tIlo'.

DIr 'Inmo', baS 'Inmo' je, Deghmo' joqwI'mo' je

wa' Dol luDa negh mInDu' teSDu' je.

wa' Dol naQ Dachugh mangghom

nIteb DuvlaHbe' yoHwI',

nIteb HeDlaHbe' yoHHa'wI'.

law'wI' lulo'lumeH mIwvam pablu'.

mangghomvo' qa' nIHlaH vay'.

ra'wI'vo' yab nIHlaH vay'.

toH

ghobchoHlu'DI' vaQ qa',

ghoblu'taHDI' pujchoH qa',

tagha' qa' natlhlu'.

QojmeH po'chugh vay'

jagh jun HoSghajDI' jagh qa'.

jagh HIv pujchoHDI' jagh qa'

qoj jagh qa' natlhlu'pu'DI'.

qa' SeHlu'meH mIwvam pablu'.

mISwI' DaqaDDI' yImISQo'.

chuSwI' DaqaDDI' yISey'Qo'.

yab SeHlu'meH mIwvam pablu'.

HopwI' DaqaDmeH SumwI' tIlo'

Doy'wI' DaqaDmeH leSpu'wI' tIlo'.

ghungwI' DaqaDmeH Soppu'wI' tIlo'.

HoS SeHlu'meH mIwvam pablu'.

joqwI' DaHmey pup tIghobQo'.

may'morghmey Doj tIHIvQo'.

choH SeHlu'meH mIwvam pablu'.

QaS lo'lu'meH mIwvam pablu':

yav jenDaq ghaHtaHchugh jagh yIHIvQo'.

jagh 'emDaq HuDHom tu'lu'chugh jaghvam yIqaDQo'.

HeD 'e' ghetchugh jagh jaghvam yItlha'Qo'.

jagh nIvwI'pu' tIHIvQo'.

jagh tlhu'moHwI' yIqImQo'.

juH cheghtaHchugh jagh jaghvam yIwaQQo'.

narghmeH 'eb ghaj jagh DaDechbogh 'e' yIbotQo'.

jagh vonlu'pu'chugh jaghvam yIraDQo'.

veS mIw 'a' 'oH mIwvam'e'.

 

 

Chapter seven:
Military conflict

 

 

This is the general practice in the military:

The general receives command from the ruler.

He assembles the troops,

Forms the army,

And sets up camp.

Yet of all the tasks,

The real challenge is the armed conflict itself.

The challenge of the armed conflict

Lies in making what’s circuitous direct

And in making what’s unfavorable useful.

If you make the enemy's route circuitous,

And lure him with an opportunity for gain,

Then you can set out behind him

Yet arrive before him.

Those who can do this

Understand the tactics of the circuitous and the direct.

Armed conflict brings gain.

Armed conflict brings risk.

 

Send the entire army into action

To seize an opportunity

And you may arrive too late.

Send a reduced army into action

To seize an opportunity

And your supplies and equipment may be lost.

Abandon your equipment and depart

Carrying only your armor,

March day and night

Without stopping,

March thirty miles

At double your usual speed

To obtain some gain

And you may lose all your commanders.

The strong will arrive first,

The weak will lag behind

Yet only one-tenth of your soldiers will arrive.

March fifteen miles

At excessive speed

To seize an opportunity

And the commander of the advance force will be lost

And only one half of your soldiers will arrive.

March ten miles

To seize an opportunity

And two thirds of your soldiers will arrive.

Without the equipment an army is lost.

Without the provisions an army is lost.

Without the supplies an army is lost.

If you don’t know the plans of your neighbors

You cannot form alliances with them.

If you don’t know the lay of the land:

Mountains and forests,

Natural hazards

Marshes and swamps,

You cannot advance the army.

If you don’t use local guides

You cannot take advantage of the terrain.

 

In war

Positions are established by guile,

Actions are driven by gain,

Conditions shaped by dividing and uniting the troops.

That is why

An army is swift like a wind.

Stately like a forest.

Ravaging like fire.

Standing firm like a mountain.

Inscrutable like darkness.

Striking hard like a thunderbolt.

When plundering the countryside divide your troops.

When expanding your territory divide the spoils.

Assess the situation before making a move.

Victory comes to those

Who know the tactics of the circuitous and the direct.

This is the art of the armed conflict.

"The Book of Military Policies" says:

When the troops cannot hear each other

Use drums and gongs.

When the troops cannot see each other clearly

Use pennants and flags.

In night battles use many torches and drums.

In day battles use many pennants and flags.

Drums, gongs, pennants and flags

Are used to unify the soldiers eyes and ears.

Once the army acts as a whole

The brave cannot advance alone,

The timid cannot retreat alone.

This is the way to use many.

The army may be robbed of its spirit.

The commander may be robbed of his mind.

Now,

When fighting begins the spirit is keen,

With time it starts to weaken,

In the end it is spent.

Those skilled in warfare

Avoid the enemy when his spirit is keen,

They strike when his spirit is weakened

Or when it is spent.

This is the way to control spirit.

Confront the disordered with order.

Confront the clamorous with calm.

This is the way to control the mind.

To confront the distant use the near.

To confront the fatigued use the rested.

To confront the hungry use the sated.

This is the way to control strength.

Do not engage well-arrayed banners.

Do not attack impressive formations.

This is the way to control change.

This is the way to employ troops:

Do not attack the enemy that is on a high ground.

Do not oppose an enemy that has his back to a hill.

Do not pursue an enemy feigning retreat.

Do not attack the enemy’s finest.

Do not swallow the enemy’s bait.

Do not obstruct an enemy returning home.

Leave a way of escape to a surrounded enemy

Do not press a cornered enemy.

This is the art of warfare.